HPG'ê gerîlayên Êzidî yên gihaştinê şahadetê bi bîranî û got: Hevrêyên me Arîn Ararat û Cîger Qîranî ku ewladên hêja yên gelê me yên Êzidî ne û tevlî Tevgera Azadiyê ya Kurdistanê bibûn, li Herêmên Parastinê yên Medyayê di dîrokên cuda de dema ku têkoşîna xwe dimeşandin, şehîd bûn. HPG'ê di dewama daxuyaniyê de sersaxî ji malbatên şehîdan re xwest.
Daxuyaniya HPG'ê ya di derbarê şehîdan de wiha ye:
-Hevrêyên me yên ku bi îdîaya parastina destketiyên gelê me û têkoşîna azadiyê bi serketinê tacîdar kirin ketin rê, ji Şengalê heta Herêmên Parastinê yên Medyayê destaneke berxwedanê ya bêhempa nivîsandin. Ewladên leheng ên gelê me yê Êzidî ku xwe bi felsefeya Apoyî pêş xistine, bi berxwedana xwe ya li çiyayên Kurdistanê bûne qehreman. Hevrêyên me Arîn û Cîger bi sekn û tevlîbûna xwe mîrateyeke têkoşînê ya nayê jibîrkirin hiştin. Em careke din soza xwe dubare dikin ku em ê mîrateya hevrêyên xwe yên di rêya Apoyî de bi gavên jixwe bawer û bêyî didulî bi pêş ve meşiyan, veguherînin qonaxeke xurt a têkoşînê û bigihînin serketinê. Em di wê baweriyê de ne ku têkoşîna şehîdên me wê ji aliyê tevahiya ciwanên Kurd bi taybetî ciwanên Êzidî yên ji Şengalê ve mînak bê girtin.